Mellombels utførsel

Ver merksam på at du vil måtte betale avgifter for varer som har vore mellombels (midlertidig) ute for reparasjon, bearbeiding og så vidare når du betaler for reparasjonen/bearbeidinga. I dei tilfella der du sender varene ut som ein mellombels utførsel, betaler du berre avgifter for kostnadene knytt til reparasjonen/bearbeidinga, frakt tur/retur og forsikring.

Eigne prosedyrekodar

Når du utfører varer mellombels, skal du nytte prosedyrekodane for mellombels utførsel. Informasjon om disse finn du i utfyllingsreglane for utførselsdeklarasjonen, under rubrikk "37 Prosedyre".

• Sjå utfyllingsreglane for utførselsdeklarasjonen

Også ved gjeninnførsel skal du nytte eigne prosedyrekodar. Disse finn du i utfyllingsreglane for innførselsdeklarasjonen «37 Prosedyre».

Du må deklarere varene

Både når du skal utføre varene og når du skal gjeninnføre dei, må du deklarere dei til Tolletaten. Ver klar over at du må få deklarasjonen godkjend av Tolletaten før du kan utføre varene.

• Les om korleis du deklarerer varer inn til Noreg

Det er alternativ til tolldeklarasjonen for å deklarere varer til mellombels utførsel. Eit alternativ er ATA-carnet. Ver merksam på at du ikkje kan nytte ATA-carnet dersom du utfører varene for reparasjon/bearbeiding som du skal betale for.

• Les meir om ATA-carnet og bruken av dette